Гэмт хэргээс урьдчилан сэргийлэх
ажлыг зохицуулах салбар зөвлөлийн
бүрэлдэхүүн шинэчлэн байгуулах,
журам батлах тухай
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1, 35 дугаар зүйлийн 35.1.13, 35.1.17, Гэмт хэрэг, зөрчлөөс урьдчилан сэргийлэх тухай хуулийн 14 дүгээр зүйлийн 14.3, Засгийн газрын 2020 оны 107 дугаар тогтоолын хавсралтаар батлагдсан”Гэмт хэргээс урьдчилан сэргийлэх ажлыг зохицуулах зөвлөлийн ажиллах журам”-ын 6 дугаар заалт, Төв аймгийн иргэдийн Төлөөлөгчдийн 2023 оны XIV хуралдааны 13-р тогтоолыг тус тус үндэслэн сумын иргэдийн Төлөөлөгчдийн Хурлын ээлжит XI хуралдаанаас ТОГТООХ нь:з
1.Гэмт хэргээс урьдчилан сэргийлэх ажлыг зохицуулах салбар зөвлөлийн ажиллах журмыг нэгдүгээр, салбар зөвлөлийн бүрэлдэхүүнийг хоёрдугаар хавсралтаар тус тус баталсугай.
- Сумын хэмжээнд гэмт хэрэг, зөрчлөөс урьдчилан сэргийлэх тухай хууль тогтоомжийг хэрэгжүүлэх ажлыг зохион байгуулж ажиллахыг Гэмт хэргээс урьдчилан сэргийлэх ажлыг зохицуулах салбар зөвлөлд даалгасугай.
- Энэ тогтоол батлагдсантай холбогдуулан сумын иргэдийн Төлөөлөгчдийн Хурлын Төлөөлөгчдийн 2021 оны 07 дугаар тогтоолыг хүчингүй болгосугай.
ДАРГА Д.МӨНХБАТ
Сумын иргэдийн Төлөөлөгчдийн Хурлын
2023 оны 03 дугаар сарын 17-ний өдрийн 11-р
хуралдааны ___-р тогтоолын хавсралт
БАЯНХАНГАЙ СУМЫН ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛИЙН АЖИЛЛАХ ЖУРАМ
Нэг. Нийтлэг үндэслэл
1.1 Сумын салбар зөвлөл нь үйл ажиллагаандаа Гэмт хэрэг, зөрчлөөс урьдчилан сэргийлэх тухай хууль болон холбогдох бусад хууль, тогтоомж энэхүү журмыг удирдлага болгон ажиллана.
1.2 Салбар зөвлөл нь албан бичгийн хэвлэмэл хуудастай байна.
Хоёр. Салбар зөвлөлийн бүрэлдэхүүн, зохион байгуулалт
2.1 Салбар зөвлөл нь дарга, гишүүд, нарийн бичгийн даргаас бүрдэнэ.
2.2 Салбар зөвлөлийн үйл ажиллагааны үндсэн хэлбэр нь зөвлөлийн хурал байна. Хурлын шийдвэр нь тогтоол, зөвлөмж, мэдэгдэл хэлбэртэй байна. Салбар зөвлөлийн хурлыг жилд 2-оос доошгүй удаа хуралдуулна.
2.3 Салбар зөвлөлийн хурлыг зөвлөлийн дарга удирдан зохион байгуулах ба түүний эзгүйд зөвлөлийн даргын эрх олгосноор зөвлөлийн аль нэг гишүүн удирдана.
2.4 Зөвлөлийн гишүүдийн олонх нь хуралд хүрэлцэн ирсэн тохиолдолд хурлыг хүчин төгөлдөр гэж үзнэ.
2.5 Хурлаар салбар зөвлөлийн хуульд заасан чиг үүрэг, зорилтыг хэрэгжүүлэхтэй холбогдсон үндсэн асуудлууд, гэмт хэрэгтэй тэмцэх, урьдчилан сэргийлэх, нийгмийн дэг журмыг хангахтай холбоотой хууль тогтоомжийн биелэлтийн явц, үр дүн, зөвлөлийн жилийн ажлын төлөвлөгөө, төлөвлөгөөний биелэлт, тайланг хэлэлцэнэ.
2.6 Салбар зөвлөлийн хурлаар хэлэлцсэн асуудлыг хуралдаанд оролцсон нийт гишүүдийн олонхын саналаар шийдвэрлэнэ. Санал тэнцсэн тохиолдолд асуудлыг хуралдаан даргалагч эцэслэн шийдвэрлэнэ.
2.7 Салбар зөвлөлийн хуралдааныг тэмдэглэл хөтөлж баталгаажуулах бөгөөд тэмдэглэлийг зөвлөлийн дарга, нарийн бичгийн дарга гарын үсэг зурж баталгаажуулна.
2.8 Зөвлөлийн хурлаас гарсан аливаа шийдвэрийг холбогдох байгууллага, аж ахуй нэгж, албан тушаалтан хэрэгжүүлэх чиглэлээр шаардлагатай арга хэмжээг авч түүний явц, үр дүнгийн тухай тогтоосон хугацаанд хариу мэдэгдэх үүрэгтэй.
2.9 Тухайн шатны иргэдийн Төлөөлөгчдийн Хурлын ажлын албаны дарга нь Салбар зөвлөлийн нарийн бичгийн дарга байна.
Гурав. Салбар зөвлөлийн эрх
3.1 Салбар зөвлөл нь “Гэмт хэрэг, зөрчлөөс урьдчилан сэргийлэх тухай” хуулийн 17 дугаар зүйлийн 17.1-д заасан өөрийн чиг үүрэгт хамаарах бүрэн эрхээс гадна дараах бүрэн эрхийг хэрэгжүүлнэ.
3.1.1 Гэмт хэргээс урьдчилан сэргийлэх чиглэлээр дэд зөвлөл болон холбогдох байгууллагаас зохиосон ажлын тайланг хасаг бүтэн жилээр гаргуулж авах.
3.1.2 Тухайн нутаг дэвсгэрийн хэмжээнд гэмт хэрэгтэй тэмцэх, урьдчилан сэргийлэх, нийгмийн дэг журмыг хангах чиглэлээр холбогдох шалгалтыг зохион байгуулах.
3.1.3 Гэмт хэрэгтэй тэмцэх, урьдчилан сэргийлэх, нийгмийн хэв журмыг хангах, сахилга зохион байгуулалтыг бэхжүүлэх талаар байгууллага, аж ахуй нэгжийн дарга, эрхлэгч нарт үүрэг даалгавар өгч биелэлтийг тооцох
3.1.4 Салбар зөвлөлийн шийдвэр, үүрэг даалгаврыг биелүүлээгүй, хугацаа хожимдуулсан албан тушаалтанд хуульд заасны дагуу арга хэмжээ авхуулах тухай удирдах байгууллагад нь албан ёсоор мэдэгдэх
3.1.5 Салбар зөвлөлийн дэргэд дараах дэд зөвлөлүүд ажиллана.
АЭЗГХУСАЗ Дэд зөвлөл - Авлига,эдийн засгийн гэмт хэргээс урьдчилан сэргийлэх ажлыг зохицуулах дэд зөвлөл
ХМАГЭУСАЗДэд зөвлөл - Хулгай, мал хулгайлах гэмт хэргээс урьдчилан сэргийлэх ажлыг зохицуулах дэд зөвлөл
ХАБЭГХУСАЗДэд зөвлөл - Хөдөлгөөний аюулгүй байдлын эсрэг гэмт хэргээс урьдчилан сэргийлэх ажлыг зохицуулах дэд зөвлөл
АСХТМГХУСАЗДэд зөвлөл - Архидан согтуулах, хар тамхи, мансууруулах гэмт хэргээс урьдчилан сэргийлэх ажлыг зохицуулах дэд зөвлөл
БОЭГХУСАЗДэд зөвлөл - Байгаль орчны эсрэг гэмт хэргээс урьдчилан сэргийлэх ажлыг зохицуулах дэд зөвлөл
ХЭТЭГХУСАЗДэд зөвлөл - Хүүхэд, эмэгтэйчүүд түүний эсрэг гэмт хэргээс урьдчилан сэргийлэх ажлыг зохицуулах дэд зөвлөл ажиллана.
Дөрөв: Салбар зөвлөлийн үүрэг
4.1.Салбар зөвлөл нь гэмт хэргээс урьдчилан сэргийлэх ажлыг “Гэмт хэрэг зөрчлөөс урьдчилан сэргийлэх тухай” хуулийн 16 дугаар зүйлийн 16.1-д заасны дагуу сумын хэмжээнд уялдуулан зохицуулахаас гадна дараах үүргийг хүлээнэ.
4.1.1.Гэмт хэрэгтэй тэмцэх урьдчилан сэргийлэх талаар авах арга хэмжээний хөтөлбөр, төлөвлөгөөний биелэлтийг хангах арга хэмжээг төлөвлөн хэрэгжүүлэх
4.1.2.Гэмт хэрэгтэй тэмцэх, урьдчилан сэргийлэх, нийгмийн дэг журмыг хангахад иргэд, төрийн бус байгууллагын үүсэл санаачлагыг дэмжин тэднийг энэ ажилд өргөнөөр оролцуулахад дэмжлэг үзүүлэх
4.1.3.Салбар зөвлөлөөс зохиож буй ажлын явц, үр дүнгийн талаар мэдээллийн хэрэгсэл болон олон нийтийн цахим сүлжээ ашиглах олон нийтэд сурталчилах ажлыг зохион байгуулах.
Тав.Салбар зөвлөлийн дарга, гишүүдийн бүрэн эрх
5.1.Салбар зөвлөлийн дарга дараах бүрэн эрхийг хэрэгжүүлнэ.
5.1.1.Салбар зөвлөлийн ээлжит болон ээлжит бус хуралдаанаар хэлэлцэх асуудал баталж, хуралдааны товийг товлох, хуралдаан даргалах
5.1.2.Салбар зөвлөлийн гишүүдэд үүрэг, даалгавар өгч биелэлтийг тооцох
5.2.Салбар зөвлөлийн гишүүн нь дараах бүрэн эрхийг хэрэгжүүлнэ.
5.2.1.Салбар зөвлөлийн үйл ажиллагааны төлөвлөгөөний төсөлд санал өгөх, төлөвлөгөө, тайлантай танилцах, хэрэгжилтийн явц байдлыг талаар мэдээлэл авах
5.2.2.Салбар зөвлөлийн даргын өгсөн үүрэг, даалгаврыг хэрэгжүүлэх, тайлагнах
5.2.3.Гэмт хэргээс урьдчилан сэргийлэх ажлыг өөрийн байгууллагын холбогдох албан хаагчаар хариуцуулан гүйцэтгүүлж, хэрэгжилтийг биечлэн хариуцах
5.2.4. Гэмт хэрэг, зөрчилтэй тэмцэх, урьдчилан сэргийлэх үйл ажиллагааны төлөвлөгөөг боловсруулж хэрэгжүүлэх, холбогдох хууль тогтоомжийг сурталчилж хэрэгжилтийг нь хагас, бүтэн жилээр гарган салбар зөвлөлд ирүүлэх.
Зургаа.Салбар зөвлөлийн нарийн бичгийн даргын чиг үүрэг:
6.1 Салбар зөвлөлийн нарийн бичгийн дарга салбар зөвлөлийн гишүүний бүрэн эрхээс гадна дараах чиг үүргийг хэрэгжүүлнэ.
6.1.1 Салбар зөвлөлийн өдөр тутмын ажлыг хариуцах.
6.1.2 Салбар зөвлөлийн хурлаар хэлэлцэх асуудлуудыг боловсруулж, салбар зөвлөлийн даргад танилцуулан батлуулж холбогдох материалын хамт зөвлөлийн гишүүдэд хүргүүлж урьдчилан танилцах боломжийг бүрдүүлэх.
6.1.3 Салбар зөвлөлийн хурлын товыг салбар зөвлөлийн даргатай зөвшилцөн тогтоож зөвлөлийн гишүүдэд мэдэгдэх, хурлын үйл ажиллагааг зохион байгуулалтаар хангах.
6.1.4 Салбар зөвлөлийн хуралдаанаас гарсан шийдвэрийг хэрэгжүүлэх ажлыг зохион байгуулах.
6.1.5 Холбогдох байгууллагуудаас гэмт хэргээс урьдчилан сэргийлэх чиглэлээр зохион байгуулсан ажлын тайланг гаргуулан авч нэгтгэн Салбар зөвлөлийн даргад танилцуулах
6.1.6 Салбар зөвлөлийн тухайн жилийн үйл ажиллагааны төлөвлөгөөний хэрэгжилтийг хангах, явцын талаар салбар зөвлөлд танилцуулах.
6.1.7 Салбар зөвлөлийн үйл ажиллагааг олон нийтэд мэдээлэх, сурталчлах.
6.1.8 Салбар зөвлөлийн хуралдаанаас гарсан тогтоол, зөвлөмж, мэдэгдэл, салбар зөвлөлийн даргын албан даалгаврын хэрэгжилтэд хяналт тавих.
--ooOoo--
Сумын иргэдийн Төлөөлөгчдийн Хурлын
2023 оны 03 дугаар сарын 17-ний өдрийн 11-р
хуралдааны ___-р тогтоолын хавсралт
ГЭМТ ХЭРГЭЭС УРЬДЧИЛАН СЭРГИЙЛЭХ
АЖЛЫГ ЗОХИЦУУЛАХ САЛБАР ЗӨВЛӨЛИЙН БҮРЭЛДЭХҮҮН
- Дарга: -Сумын иргэдийн Төлөөлөгчдийн Хурлын дарга
- Нарийн бичиг: - Гэмт хэргээс урьдчилан сэргийлэх салбар
зөвлөлийн нарийн бичгийн дарга
- Гишүүд: - Засаг даргын орлогч
- Тамгын газрын дарга
- Хууль эрх зүйн мэргэжилтэн
- Нийгмийн бодлогын мэргэжилтэн
- Ерөнхий боловсролын сургуулийн захирал
- Сургуулийн өмнөх байгууллагын эрхлэгч
- Эрүүл мэндийн төвийн дарга
- Санхүү албаны дарга
- Соёлын төвийн дарга
- Найрамдал багийн Засаг дарга
- Хөшөөт багийн Засаг дарга
- Мал эмнэлгийн улсын байцаагч
- Хэсгийн төлөөлөгч
- Цагдаа