-"Нүүдэлчин арго ферм" ХХК-ийн зүгээс Нийгмийн хариуцлагын гэрээний хүрээнд хийх ажлыг сумын ИТХ-ын зөвлөлийн гишүүд хэлэлцэн 3.0 сая төгрөгөөр ковшид 4-н дугуй шинээр авч, айл өрх, албан байгууллага, гудамж талбайн хогийг цэвэрлэх ажлыг хийж гүйцэтгэж байна.👍

Газрын тухай хууль, Хот байгуулалтын тухай хуульд заасны дагуу аймаг, сумын хэмжээнд газар эзэмшүүлэх, ашиглуулах, өмчлүүлэх асуудал сумын нутаг дэвсгэрийн хөгжлийн төлөвлөгөө, хот хөгжлийн ерөнхий болон хэсэгчилсэн төлөвлөгөөнүүд хийгдээгүй тохиолдолд шийдвэрлэх боломжгүй нөхцөл байдал үүссэнтэй холбогдуулан аймаг, орон нутгаас аймгийн хэмжээнд газар зохион байгуулалт, хот байгуулалтын бодлогын баримт бичгүүдэд дүн шинжилгээ хийж, төлөвлөгөөний баримт бичиггүй сумдыг төлөвлөлтийн баримт бичигтэй болгох, батлагдсан төлөвлөгөөний хэрэгжих хугацаа дуусахаас өмнө төлөвлөгөөг дахин боловсруулах арга хэмжээг зохион байгуулан ажиллаж, Сумын нутаг дэвсгэрийн хөгжлийн ерөнхий төлөвлөгөө нь нутгийн иргэд, малчдын оролцоотойгоор байгаль орчныг харгалзсан газар зохион байгуулалтын төлөвлөгөө боловсруулж, хэрэгжүүлснээр нутаг бэлчээрээ зүй зохистой, тогтвортой ашиглах боломж бүрдэнэ. Иргэд малчид хаана ямар газар юу юунд зориулагдсан, хаана бэлчээр сайтай хаана юу юу баригдах гэх мэт мэдээлэл нээлттэй болно.

✅Өдөрлөгийн хүрээнд сумын ИТХ-ын Төлөөлөгчдийг чадавхжуулах, хууль эрх зүйн мэдлэг олгох ✅Аймгийн ИТХ-ын дарга Н.Энхболд, аймгийн Засаг даргын орлогч Б.Батбаатар нараар ахлуулсан ажлын хэсэг сумын төсөвт байгууллагууд болох Ерөнхий боловсролын сургууль, Цэцэрлэг, Эрүүл мэндийн төв мөн Соёлын төвийн үйл ажиллагаатай танилцах ✅Сумын ард иргэдэд Аймгийн ИТХ-ын танилцуулга ✅Эрүүл мэндийн салбарт баримталж буй бодлого өнөөгийн байдал анхаарах асуудал ✅Эрүүл мэндийн даатгалын хууль ✅Гэмт хэргийн гаралт анхаарах асуудал ✅Egazar.gov.mn цахим системийн ашиглалт зэрэг мэдээлэл хүргэн нээлттэй ярилцлаа. ✅Монгол туургатан театрын мэндчилгээ Уулзалтын төгсгөлд сумын ИТХ-ын Төлөөлөгчид авлига, ашиг сонирхлын зөрчилгүй ажиллах мэдэгдэлд гарын үсэг зурж, аймгийн ИТХ-ын Ажлын албанаас дурсгалын зүйлс гардуулж, ажлын амжилт хүслээ.

"Нүүдэлчин агро ферм"-тэй нийгмийн хариуцлагын гэрээ байгуулан гэрээний хүрээнд Хөшөөт баг Тоосготод байрлах "Адуун толгой" бэлчээрийн гүний худагт нарны энергийн системийг байрлуулан ойр орчмын 9 малчин өрхөд мотор, шатахуун зарцуулахгүй богино цагт ус гарган малаа услах боломжийг бүрлүүлэн ажиллаа. Төсөв-11,0 сая төгрөг.

ХӨШӨӨТ БАГИЙН ИРГЭД НИЙТИЙН III ХУРАЛДААН 2025.04.24-25-НЫ ӨДРҮҮДЭД ЗОХИОН БАЙГУУЛАГДЛАА. ХУРАЛДААНААР: ✅Багийн Засаг дарга 2-4-р сард хийсэн ажлын тайлан тавих ✅“АТАР-4"Тариалангийн тогтвортой хөгжил” аяны хүрээнд иргэдтэй санал солилцох ✅ГХУСАЗЗ-өөс мэдээлэл хийх ✅Төрийн албан хаагчид мэдээлэл хүргэх ✅Бусад / Иргэдээс ирүүлсэн санал хүсэлт/ зэрэг асуудлыг хэлэлцэн ажиллаа.

НАЙРАМДАЛ БАГИЙН ИРГЭД НИЙТИЙН III ХУРАЛДААН 2025.04.23-НЫ ӨДӨР ЗОХИОН БАЙГУУЛАГДЛАА. ХУРАЛДААНААР: ✅Багийн Засаг даргын М.Сугаргариг 1-4-р сард хийсэн ажлын тайлан тавих ✅“АТРЫН 4-Р АЯН-Тариалангийн тогтвортой хөгжил” хүрээнд орон нутагт амьдарч буй өрхөд тариалангийн газар эзэмшүүлэх нэрс батлах тухай /урьдчилсан байдлаар/ ✅ГХУСАЗЗ-өөс мэдээлэл хүргэх /Замын хөдөлгөөний аюулгүй байдал/ ✅Орон нутгийн хөгжил сангийн талаар мэдээлэл ✅Төрийн албан хаагчид мэдээлэл хүргэх ✅Бусад / Иргэдээс ирүүлсэн санал хүсэлт/ зэрэг асуудлыг хэлэлцэн ажиллаа.

ТӨВ АЙМГИЙН БАРУУН БҮСИЙН "ХУУЛИА ДЭЭДЭЛЬЕ" ТЭМЦЭЭНИЙ НЭГДҮГЭЭР ШАТАНД 7 СУМЫН 60 ГАРУЙ ХҮҮХЭД ӨРСӨЛДЛӨӨ Төв аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс аймгийн аварга баг шалгаруулах "Хуулиа дээдэлье" тэмцээнийг 18 дахь жилдээ зохион байгууллаа. Энэ удаагийн тэмцээнийг гэмт хэрэг, зөрчлөөс урьдчилан сэргийлэх тухай болон Хүүхэд хамгааллын тухай хуулийг орон нутгийн иргэд, хүүхэд залуучуудад сурталчлах, өсвөр үе хүүхэд залуучуудад гэмт хэргээс урьдчилан сэргийлэх үзлийг төлөвшүүлэх, хүүхдийн эсрэг болон хүүхдээс үйлдэж буй гэмт хэрэг, зөрчил, үе тэнгийн дээрэлхэлтээс урьдчилан сэргийлэх чиглэлээр зохион байгуулснаараа онцлогтой. Эхний шатны тэмцээнийг 4 бүс буюу Зуунмод, Лүн, Борнуур, Эрдэнэ сумдад төвлөрүүлэн зохион байгуулсан бөгөөд нийт 25 сумын 170 гаруй хүүхэд өрсөлдөж шилдгүүдээ тодруулсан юм. Тодруулбал: Зүүн Бүсийн тэмцээнд: Тэргүүн байр- Эрдэнэ сумын “Эрх зүйн этгээд” баг Дэд байр- Баян сумын “Сүлд” баг Хойд бүсийн тэмцээнд: Тэргүүн байр- Борнуур сумын “Фемида” баг Дэд байр- Жаргалант сумын” Импенити” баг Төвийн бүсийн тэмцээнд: Тэргүүн байр- Зуунмод сумын “ZM stars” Дэд байр- Алтанбулаг сумын “Хуулийн микрофон” баг Баруун бүсийн тэмцээнд: Тэргүүн байр- Лүн сумын “Хатуу самар” баг Дэд байр- Эрдэнэсант сумын “Альфа” багууд тус тус шалгарсан. Манай сумаас ЕБС-ийн НА болон сумын ГБХ-ийн НА нар 7-10-р ангийн 8 хүүхдийг бэлтгэн амжилттай оролцлоо.

Баянхангай сумын гэмт хэргээс урьдчилан сэргийлэх ажлыг зохицуулах салбар зөвлөлөөс орон нутгаар дайран өнгөрч буй хатуу хучилттай авто замд осол аваар гарч буй цэгт анхааруулах тэмдэг, Цавхангай хорооллын замд байрлах хурд сааруулагчийн анхааруулах⚠️ тэмдгийг нэмж байршуулан ажиллав

“Бүсчилсэн хөгжил-Төрийн албаны манлайлал” сэдэвт зөвлөгөөнийг Монгол Улсын Төрийн албаны зөвлөлөөс улсын хэмжээнд долоон бүсэд зохион байгуулахаар төлөвлөсний дагуу Төвийн бүс буюу Төв, Дархан, Сэлэнгэ аймгуудын төрийн албан хаагчдын зөвлөгөөн болж, Төрийн албаны тухай хууль болон төрийн албан хаагчийн ёс зүйн тухай хууль тогтоомж, бодлого төлөвлөгөөний хэрэгжилт, хяналт шалгалтын үр дүн, ёс зүй сахилга хариуцлагыг чанаржуулах чиглэлээр зөвлөгөөнд хамрагдлаа. Зөвлөгөөн 2 өдөр үргэлжиллээ.

Энэ сараас манай аймгийн бүх суманд Хурдан цэгт 60 гаруй байгууллагын 600 орчим үйлчилгээг цахим хэлбэрт шилжүүлэн иргэд, олон нийтэд үйлчилгээ үзүүлж байгаа. Үүнд төрийн үйлчилгээ болон автомашин, санхүү, эрүүл мэнд, гар утасны бүх төрлийн үйлчилгээг авах боломжтой. Гэрэгэ Киоск машин нь одоогоор аймгийн 27 суманд байрлуулж ажиллаж эхэллээ. Та ЗДТГ-т байрлах Киоск машинаас үйлчилгээнүүдийг авах боломжтой. Хамгийн сүүлийн үеийн технологийн шийдлийг агуулсан тус машин нь таны амьдралын цагийг хэмнэнэ.

📌ИТХ-аас суманд ажиллаж амьдарч байсан Л.Бямбаахүү багшид санал тавьснаар АХМАДЫН ХОРООН-Д 1,500,000 төгрөгийн үнэ бүхий эрүүл мэнд, гоо сайхны аппарат гардуулан өглөө. 👏 📌Ахмадын хорооны үйл ажиллагааг дэмжиж хамтран ажиллаж буй Танд чин сэтгэлийн талархал илэрхийлж, сайн сайхныг хүсэн ерөөж байна.💕

Сумын иргэдийн Төлөөлөгчдийн Хурлын ээлжит бус II хурал хуралдаж дараах асуудлуудыг хэлэлцлээ. 1. Сумын газар зохион байгуулалтын 2025 оны төлөвлөгөө батлах 2. Хоршоо хөгжүүлэх сангийн хороо, хяналтын зөвлөл шинэчлэн байгуулах 3. Гэр бүлийн хүчирхийллээс урьдчилан сэргийлэх хамтарсан баг байгуулах 4. Бусад 2025 онд нийгмийн хариуцлагын гэрээний явцын мэдээлэл.

Гуравдугаар сарын 20-ноос зургаадугаар сарын 10 хүртэлх хугацааг ой, хээрийн түймэр гарах байгалийн нөхцөл бүрдсэн хуурайшилтын үе гэж үздэг. Энэ хугацаанд ой хээрийн түймрээс сэргийлж маш болгоомжтой байхыг анхааруулж байна. Иргэн та ой, хээрийн түймрээс урьдчилан сэргийлэхийн тулд юуг мэдэж байх ёстой вэ? -Асаасан гал, чүдэнз, татсан тамхиа бүрэн унтраах, -Ил задгай гал түлэхгүй, татсан тамхины иш, чүдэнзийг ил хаяхгүй байх, -Үнс нурмаа ухсан нүх, тагтай битүү саванд хийж занших, -Хавар, намрын улиралд өвс ихтэй газраар автомашин, мотоцикльтэй зорчихгүй байх, -Түймэр гарсан тохиолдолд Онцгой байдлын алба болон орон нутгийн Засаг захиргаанд яаралтай мэдээлэх.

ОЛОН УЛСЫН ЭМЭГТЭЙЧҮҮДИЙН ЭРХИЙГ ХАМГААЛАХ ӨДӨР БУЮУ МАРТЫН 8-НЫ БАЯРЫН ХҮРЭЭНД ДАРААХ ҮЙЛ АЖИЛЛАГАА ЗОХИОН БАЙГУУЛАГДЛАА 03 дугаар сарын 6, 7-ны өдрүүдэд сумын ИТХ, Засаг даргын Тамгын газар, Соёлын төв, Эмэгтэйчүүдийн зөвлөл хамтран Баярын хурал, Волейбол, караоке тэмцээнүүдийг зохион байгууллаа. ❇️ Волейболын тэмцээнд 7 баг өрсөлдсөнөөс 🥇1-р байр ЭМТ-ийн баг тамирчид 🥈2-р байрыг Найрамдал багийн тамирчид, 🥉3-р байрыг ЕБС-ийн баг тамирчид тус тус эзэллээ. ❇️ Эмэгтэйчүүдийн баярын хүрээнд зохион байгуулагдсан Баярын хуралд нийт сумын 85 эмэгтэйчүүд хамрагдсан. Хүрэлцэн ирсэн бүх ээжүүд эмэгтэйчүүдээ халуун виноггоор угтан авлаа. Баярын хурлыг нээж сумын ИТХ-ын дарга, Засаг дарга, Сумын Эмэгтэйчүүдийн зөвлөлийн тэргүүн нар мэндчилгээ дэвшүүлж өргөмжлөлт ээжүүдэд өргөмжлөл тууз гардуулсан. ❇️ Сумын уран сайханчид хүндэтгэлийн концерт тоглов. ❇️“Караоке” тэмцээнд баг байгууллагаа төлөөлсөн 8 баг оролцсоноос 🥇1 -р байрыг Найрамдал "Цомирлог" баг 🥈 2- р байрыг ЭМТ-ийн баг 🥉3- р байрыг Цэцэрлэгийн багууд тус тус эзэлж оройн үдэшлэг сайхан боллоо.

ИТХ-ын даргын 2025.03.06-ны өдрийн А/02 дугаар захирамжаар байгуулагдсан ажлын хэсэг Төсөвт байгууллагуудаар 2025 оны 03-р сарын 06-ны өдөр хяналт шалгалт хийсэн. Төсөвт байгууллагуудын - Цаг ашиглалт, цагийн бүртгэл хөтлөлт - Цэвэрлэгээ үйлчилгээ - Эм тариа, шатахуун, хоол хүнсний нөөцлөлт, хадгалалт - Үдийн цай, байрны хүүхдийн хоол, цэцэрлэгийн хүүхдийн хоолны меню ордер дээж - Цаг үеийн нөхцөл байдалтай танилцах - Санал гомдол хүлээн авч зөвлөн ажиллав.