2023 оны сумын газар зохион

байгуулалтын төлөвлөгөөний хагас жилийн

хэрэгжилт дүгнэх тухай

2023 оны тухайн жилийн Газар зохион байгуулалтын төлөвлөгөөний хагас хэрэгжилтийн талаар сумын Засаг дарга С.Баярмаагийн өргөн барьсан мэдээллийг хэлэлцээд, Монгол Улсын “Засаг захиргаа нутаг дэвсгэрийн нэгж, түүний удирдлагын тухай хууль”-ийн 33 дугаар зүйлийн 33.4, 35 дугаар зүйлийн 35.1.13 дэх заалт, “Газрын тухай хууль”–ийн 20 дугаар зүйлийн 20.1.1 дахь заалтуудыг тус тус үндэслэн сумын иргэдийн Төлөөлөгчдийн Хурлын ээлжит XII хуралдаанаас ТОГТООХ нь:

1. Сумын Газар зохион байгуулалтын 2023 оны төлөвлөгөөний хагас жилийн гүйцэтгэлийн биелэлтийг 66.25 хувьтай биелүүлсэн / эрчимжүүлэх шаардлагатай/ гэж дүгнэсүгэй.

2. Монгол Улсын Газрын тухай хууль болон бусад хууль тогтоомжид нийцүүлэн газар зохион байгуулалтын төлөвлөгөөг хэрэгжүүлэхэд багийн засаг дарга нар болон бусад холбогдох мэргэжилтэн албан хаагчдыг татан оролцуулж хэрэгжилтийг хангах, газрын эдийн засгийн үр өгөөжийг дээшлүүлэх замаар  чанартай гүйцэтгэж, ард иргэд аж ахуй нэгжид хүртээмжтэйгээр газрыг төлөвлөгөөний дагуу олгож гүйцэтгэлд байнгын хяналт тавьж газар зохион байгуулалтын төлөвлөгөөний биелэлтийг сумын иргэдийн Төлөөлөгчдийн Хуралд тайлагнан дүгнүүлж ажиллахыг сумын Засаг дарга ( С.Баярмаа)-д үүрэг болгосугай.

3. Энэхүү тогтоолын хэрэгжилтэд хяналт тавьж ажиллахыг Иргэдийн Төлөөлөгчдийн Хурлын зөвлөлд даалгасугай.

ДАРГА                           Д.МӨНХБАТ