Сумын 2024 оны Хөгжлийн жилийн

төлөвлөгөөний хэрэгжилтийг дүгнэх тухай 

Сумын Засаг дарга Б.Болортуяагийн өргөн мэдүүлсэн ”Сумын 2024 оны Хөгжлийн жилийн төлөвлөгөө”-ний хэрэгжилт тайлан, мэдээлэл, Хурлын Төлөөлөгчдөөс гарсан саналыг ХЭЛЭЛЦЭЭД:

Сумын 2024 оны хөгжлийн жилийн төлөвлөгөөний зорилт, арга хэмжээг хэрэгжүүлэх ажлын ололт амжилт, үр дүнг улам бататгаж тэмдэглээд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.18, 48 дугаар зүйлийн 48.1 дэх заалтыг үндэслэн сумын иргэдийн Төлөөлөгчдийн Хурлын ээлжит II Хурлаас тогтоох нь:

1.Сумын 2024 оны хөгжлийн жилийн төлөвлөгөөний дэвшүүлсэн 8 бүлэг 32 зорилт 128 хэрэгжүүлэх арга хэмжээ хэрэгжилтийг 87.85 хувийн гүйцэтгэлтэй тул ТОДОРХОЙ ҮР ДҮНД ХҮРСЭН гэж дүгнэсүгэй.

2.Сумын 2024 оны Хөгжлийн жилийн төлөвлөгөөний хэрэгжүүлэх арга хэмжээний төлөвлөгөөний хэрэгжилт, үр дүнг бататгаж, “эрчимжүүлэх шаардлагатай”, ”үр дүнгүй” ажлуудыг 2025 оны хөгжлийн жилийн төлөвлөгөөнд тусган хэрэгжүүлэх чиглэлээр тодорхой арга хэмжээ авч, шаардлагатай төсөв хөрөнгийн асуудлыг шийдвэрлэн, хэрэгжилтийг бүрэн хангаж, хяналт тавьж ажиллахыг сумын Засаг дарга (Б.Болортуяа)-д үүрэг болгосугай.

3. Энэхүү тогтоолын хэрэгжилтэд хяналт тавьж ажиллахыг сумын иргэдийн Төлөөлөгчдийн Хурлын хороодод үүрэг болгосугай.

ДАРГА                           Х.УЛАМСАЙХАН