“Сумын Засаг даргын 2024-2028 оны

 үйл ажиллагааны хөтөлбөр”батлах тухай       

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.5, 35.1.18, 48 дугаар зүйлийн 48.1 Хөгжлийн бодлого, төлөвлөлт, түүний удирдлагын тухай хуулийн 6 дугаар зүйлийн 6.8.3, 9 дүгээр зүйлийн 9.11.1 дэх заалтыг тус тус үндэслэн сумын иргэдийн Төлөөлөгчдийн Хурлын ээлжит III Хурлаас ТОГТООХ нь:

1.Баянхангай сумын Засаг даргын 2024-2028 оны үйл ажиллагааны хөтөлбөр”-ийг нэгдүгээр, сумын Засаг даргын 2024-2028 оны үйл ажиллагааны хөтөлбөрийн үр дүнгийн хяналт-шинжилгээ, үнэлгээний шалгуур үзүүлэлт, зорилтод түвшинг хоёрдугаар хавсралтаар тус тус баталсугай.

2. “ Сумын Засаг даргын 2024-2028 оны үйл ажиллагааны хөтөлбөр” батлагдсантай холбогдуулан дараах арга хэмжээг хэрэгжүүлж ажиллахыг сумын Засаг дарга (Б.Болортуяа)-д ДААЛГАХ нь:

2.1 “Сумын Засаг даргын 2024-2028 оны үйл ажиллагааны хөтөлбөр”-ийг хэрэгжүүлэх арга хэмжээний төлөвлөгөө баталж, хэрэгжүүлэх;

2.2 “Сумын Засаг даргын 2024-2028 оны үйл ажиллагааны хөтөлбөр”-т дэвшүүлсэн зорилтыг жил бүрийн хөгжлийн төлөвлөгөө, төсөвт тусган хэрэгжүүлж, улс, аймаг, орон нутгийн төсөв, гадаад дотоодын хөрөнгө оруулагчид, иргэд, байгууллага, аж ахуйн нэгжийн оролцоог хангаж, төсөл хөтөлбөрт хамруулах замаар хөрөнгийн эх үүсвэрийг бүрдүүлэх;

2.3. Үйл ажиллагааны хөтөлбөр, төлөвлөгөөний  хэрэгжилтийг жил бүр сумын иргэдийн Төлөөлөгчдийн Хуралд тайлагнах;

3. Энэ тогтоолын хэрэгжилтэд хяналт тавьж ажиллахыг сумын иргэдийн Төлөөлөгчдийн Хурлын Хороодод үүрэг болгосугай.

ДАРГА                           Х.УЛАМСАЙХАН